Di Bruno Versace
«U medicu ‘u chjamai, staci ‘rrivandu,
pecchì si dissi ’i veni cu’ premura;
passasti tutt’a notti vommicandu;
non po’ spettari n’attru quartu d’ura?
Mi pari ca ‘rrivau, sentu bussari»
cusì parlava mastru Peppantoni,
e i Santi ‘i muntugava pari pari
doppu ‘na notti ‘i canti senza soni.
«Medicu, visitati a me’ mugghjeri,
dicìtami chi ndavi a maricchjellha
ca suffri e si lamenta già d’ajeri
e stanotti jettau chjippu e gudellha.»
U medicu era supr’a sessantina
e sapìa ‘i joca briscula e scupuni;
si detti a malappena n’occhjatina
e o’ maritu si dissi: «Babbasuni,
a signura ch’è gravita n’o sai?
Sunnu disturbi ‘i mala gravitanza;
dàssala ‘i si riposa e, casomai,
falla mi mangia vittu di sustanza.»
Peppantoni ‘ntassau, «Com’è sta cosa?
Eu stetti sempri attenti, vi lu giuru.
Certamenti c’a dassu ‘i si riposa,
ma vui vi cumpundìstavu. Sicuru.»
U medicu rispundi: «Eu non mi sbagghju,
ma tu ndai a testa com’a chillhu muru.
Po’ parlari pa’ ttia, chimmi nda’ squagghju,
l’attenzioni a nda’ tu… ma l’attri puru?»
Foto: farmaciatozzi.it
