Di Bruno Versace
Quandu vitti l’analisi,
a figghja ‘i don Saveriu
si ‘ccertau ch’era ‘ncinta,
… ma ‘ncinta supr’o’ seriu.
So’ mamma, sbenturata,
ch’era malata ‘i cori,
pigghjau ‘na dogghja-colica
chi mi parìa ca mori.
Quandu tornau Saveriu,
ch’i nervi già spostati,
si scotulau d’a figghja
‘nu fraccu ‘i vastunati.
«Cu fu ‘ssu ‘ccipp’’i ‘ndegnu,
‘ssu pezz’i cosa lorda,
ca vogghju, si mi ‘mbatti,
m’u fazz’i si ricorda?!»
Doppu ‘chisti palori,
finisci di gridari
ca, propiu avant’a porta,
si ferma ‘na Ferrari,
e ‘i sta machina scindi
‘nu signori eleganti,
e, cu’ modi gentili,
pigghja e si faci avanti.
«Signori, eu sugn’a causa
‘i stu fattu ‘mprevistu,
ma volerrìa ’i riparu,
pa’ quant’è veru Cristu,
ma siccomu mi trovu…
nt’a certi situazioni,
non pozzu riparari
cu’ attri matrimoni.
Pertantu vi domandu,
e cu’ randi piaciri,
si permettiti ‘i fazzu
‘o stessu ‘u me’ doviri.
Perciò, si nesci masculu,
si ‘ntestu ddu’ giardini
cu’ arburi d’arangi
e attri ‘i mandarini,
‘nu nigoziu nt’o centru,
‘rredatu ‘i tuttu puntu
e centumila euri
si verzu supr’o cuntu.
Si ‘mbeci esti ‘na fimmana,
n’albergu si ‘ntestamu
e ‘n’attri centumila
nt’o cuntu si verzamu.
Ancora vogghju ‘i ‘giungiu
n’appartament’a ‘mmari
e n’attru supr’a Sila…
Chi attru pozzu fari?
Si doppu…, pa’ disgrazia,
… pa’ ‘nu malu distinu…»
ccà ‘nterveni Saveriu,
ch’era avant’o caminu:
«Si ndavi pammi sporchja
e ‘i si perdi sta dota,
non vogghju ‘i vi dispiaci:
provati n’attra vota!»
Foto: ilfattoquotidiano.it
