ADVST
Costume e SocietàLetteratura

Mara figghjola


Edil Merici

Di Bruno Versace

Mara figghjola, chi ciangevi a ‘ffari?
Facevi megghju ‘i resti llhà und’eri,
nt’a li campagni di Castellammari,
‘mbeci cadisti n’bucca e’ berzaglieri;
genti venuta di n’attru pajisi
cu’ ‘nu cappellhu e tanti pinni ‘mpisi;

carni vinduta, genti criminali,
sordati di ‘nu statu forasteri,
mandati o’ jusu capu d’u Stivali
cull’òrdini mi fannu li gucceri.
e ‘i fìciaru per beni nt’a llhi chjani
chi u ‘rre Vittoriu si ‘llisciava i mani.

Non sapevi ‘i Savoia e nè ‘i Borboni,
mancu chi volìa diri “Taliani”,
sapevi sulu di canti e di soni,
di jochi e di spiranzi po’ domani,
ma u tri ‘i jenaru, verzu menzijornu,
pigghjasti a strata ch’è senza ritornu.

Ti conzaru llho muru e, tempu nenti,
tutti in fila si mìsaru davanti,
e, quandu fici signu lu tenenti,
ti scarricaru tanti corpa… tanti.
Mentri a Madonna ti stendìa li ‘vvrazza,
rendisti l’arma a Ddiu ‘mmenz’a ‘na chjazza.

Cadisti n’terra e mancu ‘nu lamentu,
doppu chi u chjumbu ti strozzau lu chjantu;
appress’a ‘ttia tumbàru n’attri centu
e p’e Savoia chistu fu ‘nu vantu.
Vantu, cumpiacimentu e vanagloria
e ‘ncuminciaru ‘i scrìvanu la Storia.

Di la to’ morti non fu scrittu nenti,
pa’ ‘ttia non ci fu Cristu e mancu Santi,
ma, a ‘ffutura memoria, sulamenti
restau ‘na fossa e ‘nu scrittu: “Briganti”.

Foto: headtopics.com


GRF

Redazione

Redazione è il nome sotto il quale voi lettori avrete la possibilità di trovare quotidianamente aggiornamenti provenienti dagli Uffici Stampa delle Forze dell’Ordine, degli Enti Amministrativi locali e sovraordinati, delle associazioni operanti sul territorio e persino dei professionisti che sceglieranno le pagine del nostro quotidiano online per aiutarvi ad avere maggiore familiarità con gli aspetti più complessi della nostra realtà sociale. Un’interfaccia che vi aiuterà a rimanere costantemente aggiornati su ciò che vi circonda e vi darà gli strumenti per interpretare al meglio il nostro tempo così complesso.

Related Articles

Lascia un commento

Il tuo indirizzo email non sarà pubblicato. I campi obbligatori sono contrassegnati *

Check Also
Close
Back to top button