Di Simona Masciaga e Luisa Ranieri
Chiusa arretu e sbarri i ‘nu cumbentu,
comu s’u peggiu crimini
‘nto mundu ‘ndavia sulu eu faciutu,
l’atti pe mia decidiru chistu
destinu chi mi fu assegnatu.
Mi veni allura u pensu a tutti chilli
gaggi chi mi tinniru ligata
i quandu u primu meu chianciri
‘nta l’aria d’a muntagna si sperdiu.
Eranu gaggi cu ferru battuto
e d’amuri chini chini
ma chi cull’Amuri nenti avianu
a chi fari: chillu i ‘nu frati
chi sulu a su’ persona beni volia
e ai sordi da famigghja chi ‘nte mani
stritti stritti tenia, cu malocchiu
e cu suspettu sempri guardandu
si cocchidunu a illu s’appressava.
‘Nu sognu allura tutta mi pigghiau,
i ‘nu differenti amuri: chillu
pe’ l’infocatu cori d’u Baruni
di bona casata Bernardino
A sentimenti duci sulu pe ‘nu dui
pensai ma illu comu l’attri mi trattau
cu’ chillu potiri masculinu
chi da vita e da morti i tutti
decidia sempri u destinu.
Amara fu ‘nto tempu a scuperta
mia chi puri ‘nta lu cori du meu
‘nammurato, c’era n’ amuri,
chi cu l’Amuri veru nenti avia
a chi fari: malu servu di Diu
supa a ‘na spada affilata si pojava,
chi s’ampizzava jatu dinta o pettu
a chillu chi i so’ beni cuntrastava
E mo’, arretu a sta gaggia i ferru,
scumportata, ti guardu i luntanu,
amata muntagna mia, traduta
sempi i tutti comm’a mmia:
‘na vota virdi e ‘i schiurj profumata
mo du sangu amaru da famigghja
mia tutta allordata.
I chillu chi ndavia ‘na vota
chiu nenti ‘nta vita mi restau:
frati picciuli e randi furu scannati
‘nta na notti scura e li zali ‘nto ventu
iettati mo tornanu a cercari nu sarvu
riparu ‘nte toi timpi sdarrupati.
Ogni matina quandu ‘nchjana
u suli, ‘n toi cinqu jidita
du sangu loru tutta t’arrussiji,
muntagna mia, ed eu cu raggia
e sdegnu ‘na sula preci
a Diu ‘nci mandu: mi venunu
prestu o mundu fimmini chi drizzano
li storturi du passato, sbrogghjanu
i ‘ndrupi e i mali cori acquettanu.
Insemi all’omini ‘u vivunu
felici cu’ rispettu e ca’ lumera
i chillu veru Amuri
chi ancora teni ‘nsemi
tuttu ‘u mundu du’ Criatu.
