‘U Stoccu d’a Taverna
Di Franco Reitano
Vini i Locri, loccu loccu
nt’a stu borgu medievali
u mi mangiu ‘u pisci stoccu
ch’è daveru eccezionali:
chi patati e chi ventrelli
cucinatu a’ mammulisa
o arrustutu cu la pelli
pumadora e cocchji frisa,
piscistoccu e pipalora
ch’i linguini o i bucatini
t’arricrijanu lu cori
chi ti cogghji i… restatini.
Si u voi crudu a ‘nzalata
nt’a nu piattu ch’i conzeri,
eu, t’abbisu è n’abbuffata:
ti riduci a quattru pedi.
Ma è mangian di sustanza,
piscistoccu o baccalà
poi mangiari a hjaccapanza
ch esti rrobba i qualità.
I prodotti sunnu frischi,
maccaruna e stoccafissu
non dassamu mancu i lischi
com è veru Gesù Cristu.
Si a Mammula arrivati
e all’entrata no esti ‘ngorgu
stati certi, non sbagghjati:
è ‘a Tavema Di Lu Borgu.
U servizziu esti eccellenti
‘u cuocu strabiglianti
non si poti diri nenti…
deci e lodi a tutti quanti.
Poesia scritta in occasione di un pranzo a base di stocco tra colleghi dell’Unione Poeti Dialettali Calabresi a Mammola.
11/03/2023
Foto: cibovagare.it