Di Francesco Reitano
Passaru ormai cchjù i ddu’ mila anni
e sta palora è sup’a vucca i tutti;
tra ‘nganni, ’mpamità e tant’affanni
fin’a oji no ssi cogghjr’i frutti.
D’i Stat’Uniti fin’o Medi’Orienti;
“a facci d’a paci”… si cumbatt’ancora,
i sta palora no ndi ‘mporta nenti
eppuru, si parra sempi…“d’aria nova”
chi ssi rispira ‘ngiru pe’ lu mundu:
n’aria i giustizia, verità, amicizia
propia ora chi toccamma u fundu;
si grida, si ‘mboca ad arta vuci sta palora
ma ‘n’realtà restau sulu sup’a carta
e ‘u mundu, ‘a disija e… l’aspetta ancora!
Foto: gedistatic.it
