Costume e Società
Mai cchjù
Sugnu ‘n ebréu, sì, chi pozzu fari?
Chi curpu se non sugnu ‘nu cristianu?
Sugn’ ‘o stessu, pur’ eu, ‘n esseri umanu…
pecchì non vi volìti cchjù fermàri?
Cchjù nugliu chi mi duna la so’ manu,
squetàtu e cu’ ddu’ strazzi ‘ndaju a stari,
‘nu schjavu chi non poti rihjatàri,
cu ‘nu domani sempi cchjù luntànu.
L’ùrtimu trenu staci pe’ passàri,
è chi ‘rriva, frischjàndu, chjànu chjànu,
partu e non sacciu se pozzu tornàri,
se quandu cogghju ‘stu cori è cchjù sanu,
chjudu chist’occhji e ‘ccuminciu a ‘nzonnàri,
ca se ritornu mai cchjù vogghj’ ‘i ‘nchjànu.