Di Francesco Reitano
Quandu si stocca sta catina amara
‘ntrizzata d’odiu e di malignitati
c’arrusti ‘u cervellu com’a na carcara
e distruggi ‘u cori di li ‘nnamurati?
E una, e ddui, e tri e… n’atta ancora
cu na sequenza ‘mprissionanti
chi riventau oramai ‘na tristi moda;
i femminicidi sunnu veramenti tanti!
Ti vogghju beni, sugnu cott’i tia
com’i pisci vonnu beni ‘u mari…
‘u stessu si tu ntà vita mia;
luntanu i tia… non porrìa campari
e mi ‘nzonnu nu randi matrimognu
stritti abbrazzati com’a ddù ligari,
a facci d’i ‘mbidiusi e dù demognu
e i tutti chilli chi ndi vonnu mali.
‘Na festa cu tanta genti e tanti hjuri,
parenti, amici e pur’i musicanti,
nu veru trionfu d’affettu e d’amuri
c’a benedizioni i l’angeli e d’i santi,
ma ‘u malignu è sempi llà in agguatu
e tramuta l’amuri in odiu e mali;
‘u sonnu s’avvera veramenti vviatu,
‘mbeci du matrimognu: ’u funerali!
Na verrinata i paccìa, testa vacanti
e l’omu ‘mpreda all’odiu cchjù cocenti
cu ddù corpi turdi sa caccia davanti…
a facci d’amuri e… d’i sentimenti!