Di Francesco Reitano
Stanotti ‘u ventu pari ca mi parra
e i stilli zifillijanu nto celu,
nte ricchji nu lamentu di chitarra
sutt’a luna accuppata da nu velu.
Nto cori nu penzeru assillanti
c’aumenta i battiti e ‘a pressioni
e nta menti storij antichi e chjanti
chi mi fannu tremare d’emozioni.
Ammenz’a folla nu visinu duci
stilla lucenti ammenz’a cumpusioni
chi màscara, suffrendu, la so’ cruci
senza mu cadi mai ‘n’cuntraddizzioni;
ma arretu a llà màscara chi danza
s’ammuccia nu dramma assai pisanti,
m’ a’bballa ammenz’a genti c’a speranza
u ‘nnega llù doluri lancinanti.
‘A màscara, arridi sempi, esti normali
m’arretu a llù paraventu tradituri
cuva senza pietà nu bruttu mali,
chi poti guariri sulu lu Signuri,
e siccomu esti i carta culurata
‘a genti c’a vidi esti tradita,
non sapi ch’è na farza travisata
e sutt’a llà carta n’omu perdi ‘a vita,
e arruzza i denti sulu pe’ nicessitati
arridendu nt’a facci pur’a morti
sapendu che so’ minuti ennu cuntati,
e, signata pe’ sempi la so’ sorti.
Finisci ‘a festa, s’astutanu li luci,
arret’a llà carta resta ‘a sofferenza,
e n’omu distruttu stringi la so’ cruci;
c’a màscara vera, esti… chilla senza!
Foto: laleggepertutti.it